Randai Harimau nan Salapan_6

Pertikaian di Galanggang

Gurindam	:	Rapek sudah, urangpun perai Pulang ka tampek masiang-masiang Lorong kapado tuanku nan batigo Pulang ka Kamang no lai Baru sarantang pajalanan Basobok galanggang rami Urang bajudi minum tuak Sabuang jo pupuah ado pulo Maampiang tuanku nan batigoDi sinen tabukak kato-kato
Tukang Adu Ayam	:	Iko ayam den biriang balang Sia nan ka malawan, moh kito adu Jadih kok lai taduang putiah tapak Lapeh an lah..
Minum Tuak	:	Haha.. onde.. Yo sanang ka Pasa Kurai jo Kareta Kudo. Hahaha..
Nan ba ampoik	:	A wakden tunggu sahalai lai.. Nga. Awak coki ciek (digantiak an) Iko ha.. A.. tu Babak.. Itu bana. Sampai..
Kilek Barapi	:	Aden manang, ang baialah..!!!
Pdk Galia	:	Indak..! ndak ado pitih
Kilek Barapi	:	Baia..!! Baia..!!!
Pdk Galia	:	Iko nan Pandeka Galia, Anak rang ranah Dangau Baru, Kok kalah pantang mambaia Kok manang mambao pulang
Kilek Barapi	:	Ei.. baia..!
Pdk Galia	:	Indak..!!!
Kilek Barapi		Iko nan Kilek Barapi, Anak urang di Parumahan, Musuah indah dicari, Basuo pantang diilak an..
Pdk Galia	:	Jo iko sen den baia,. (menyerang dengan meninju ke arah Kilek Barapi)
		Tajadilah cakak, samo-samo galia. Lalu tibolah tuanku nan batigo
Tk. N. Renceh	:	Mano kalian kasadono, Sado nan main di galanggang Sarato janang jo juaro Duduaklah kalian kasadono Denai ka barang dikato an
Juaro Janang	:	Manolah kito nan basamo Barantilah bamain sakato-kato Duduak elok basamo-samo Inyiak kito ka mangato
Tk.N.Renceh	:	Manolah kalian kasadono A nan tajadi di hari nan ko Sampai manyipak jo baradu Karajo nan tak elok na balaku Masti no kalian basatu paduTumbuah kasam jo kusumat antaro awak samo awak Hantianlah karajo ko Bialah nan lampau dilupoan Agamo malarang nan co ikoAdatpun mamantangan Itulah pituah dari denai Pulang maklum ka kito nan basamo
Juaro Janang	:	Mano tuanku inyiak kami Mandanga pituah inyiak nan tun Itulah kato nan sabana no Di nan iko kateh Kami indak ka bamain lai Lah sadar tantang itu kami kiniInyiak kami nan batigo Barilah maaf badan kami Ampun jo rido kami pintak Hanyo sakitu pintak kami
Tk. N. Renceh	:	Alhamdulillah kalau mantun,. Manolah kamanakan kami Sanang hati kami barangkek paiAssalamu’alaikum..