Kepribadian Minang V - Pertanyaan Kritis

[caption id="" align="aligncenter" width="300"] Gambar: https://situsbudaya.id[/caption]

Mako tanpa menterjemahkan dan kemudian mentafsirkan manuruik pengertian nan diisyaratkannyo, mako tambo hanyolah marupokan buah khayal dari manusia-manusia bodoh.

A, kini sia nan bodoh, a... urang nan mangaluakan kode porkas ko nan tele atau urang nan manangkok nan pandia, sia?.

Tapeklah peribahasa urang Minang, usah diarok kanampak putiak dalam bungo, kalau bukan mato batin nan bamain. Untuak itu dibutuahkan kearifan dalam mempelajari tambo. Kakehkan nan talamun, kambangkan nan talipek, baco nan tasirek, sabab isinyo kalau dibalun sabalun buku, kalau dikambang saleba alam.

Patuik kito petanyakan kini:

1. Apokoh yang dimungkasuik dengan keturunan Iskandar Zulkarnain adolah anaknyo secaro biologis?

2. Apo ndak mungkin bidodari hanyo sebagai visualisasi dari putri tercantik umpamonyo?

3. Atau sarugo sebagai lambang kehidupan glamor penuh kemewahan?

4. Indak kok bisa dijangkau pengertian gunuang sagadang talua ayam, maisyaratkan urang nan datang dari jauah?

5. Lai ka mungkin kato-kato mangirok ka ateh langik manyatukan bundo kanduang tabang ka udaro? Baa kalau diartikan epakuasi, mengungsi atau pindah barangkali?

6. Atau gala bungkuak kapado Rajo Tiang Bungkuak[1] sabagai lambang urang nan tak jujur?

Mako saderet pertanyaan nan alun tajawab tantang bagaimana, siapa, kapan, dimana dan lain sebagainyo, anda-anda lah nan akan mampalajarinyo dan menjawabnyo.

Usah dinantikan urang lain ka mambukakkan kunci ka untuak awak, mereka hanya memandang nan nampak, mambaco nan tasurek, artinyo basuo kato indak jo kato antah. Nah, carilah kato nan iyo atau kato nan indak. Katokan kato nan boneh, bangkikkan batang tarandam jan sampai lapuak dek balunau. Kami tinggakan karangko di kamanakan, sudahkan bangkalai mamak, kayamlah pandan nan baturiah.

Itulah tugas generasi anda, silahkan dan selamat bekerja. A, baiklah untuak samantaro kito karek masalah tambo sampai di siko. Kito aliah ka soal lain, sungguah baraliah sinan juo.

_____________________________

Tulisan ini disalin dari blog dr. H.K. Suheimi dengan alamat http://suheimi.blogspot.com yang diterbitkan pada hari Selasa tanggal 11 Juni 2007 pukul 12.54 . Silahkan klik alamat blog untuk menuju tulisan asli.

___________________________

Catatan Kaki:

[1] Nama salah seorang raja dalam Hikayat Cindua Mato