Randai Harimau nan Salapan_8

Kisah Palito Kayo dengan Pakiah Rancak

Gurindam	:	Kato sudah rundiang salasai Galombang lah pai anyo lai Lah tingga Labai Nan Bana Baduo jo mande Galombang DuniaKaba baraliah anyo laiAliah kapado Tuanku Bajangguk Itam Diimbau Pakiah Nan Rancak Duo jo Palito KayoAndailah jatuah maso itu Elok didanga baritono
Tk.B.Itam	:	Manolah waang Pakiah Nan Rancak, duo jo Palito Kayo. Agak ka siko malah kalian tagak. Denai ka barang di sarayo.
Pk.N. Rancak	:	Manolah Tuanku nan janno kami Apo sababno kami diimbau Tarangkan malah dek tuanku Nak sanang di dalam hati Nan sunyi di dalam kiro-kiro
Tk.B.Itam	:	Oo.. buyuang nan baduo Mangko kalian denai imbau Buyuang disuruah disarayo Agak di hari nan barisuak Guguahlah Tabuah Larangan Tabuah pamanggia urang nagari Datang mangaji ka surau kito Hari no hari Sinayan Wakatu Dhuha kito muloi
Pk.N.Rancak	:	Kalau baitu kato tuanku Sugiro kami jalankan Alun ka sanang ati angku
Gurindam	:	Bajalan bujang nan baduo Diguguah tabuah larangan Diimbau urang di nagari Ka mangaji di Surau Taluak Hari Sinayan ka diadokan
Palito Kayo	:	Oo.. urang kampuang Babunyi tabuah di Taluak Tando no urang ka mangaji Hari Sinayan ka baadokanOo. Urang kampuang Laki-laki jo padusi Nan tuo sarato jo nan mudo Datanglah basamo-samo O.. urang kampuang
		Samantara itu Tuanku Nan Renceh, Tuanku Pasia, dan Tuanku Bajangguk Itam lah berado di Surau Taluak