Randai Harimau nan Salapan_4

Adegan	:	Para pemain masuk ke gelanggang, membuat lingkaran bergelombang tiga balit lalu duduk. Tampil salah seorang ketua memberi penjelasan (pembukaan). Kami dari Grup Randai “Harimau nan Salapan”  mambaokan sejarah Parang Paderi nan tajadi di Kamang. Benteng Kamang dikapuang dari tigo jurusan. Komandan serdadu Bulando antaro lain iolah: Mayor elout, Mayor de Bush, Mayor de Quai, dan Vander Tuuk. Hari patamu paparangan tadi tanggal 9 Juli tahun 1833, usaho Bulando gagal. Hari kaduo satalah paparangan mati-matian, akhirno Benteng Kamang jatuah ka tangan Bulando. Parang dua ari tu menjadi paringatan bagi generasi kudian tarutamo nan mudo-mudo, batapo semangat inyiak-inyiak kito untuak mampatahankan agamo jo tanah aia. Sekian, Wassalamu’alaikum Wr. Wb Selesai pembukaan oleh ketua, lalu disambung oleh gurindam mintak ampun.
Gurindam	:	Ampun baribu kali ampun Ampunlah kami niniak mamak Jari sapuluah kami susun Mamintak maaf banyak-banyak Tasingguang mamak bakeh naiak Talendo mamak bakeh turun Maaf diminta banyak-banyak Satu gawa baribu ampun	Kami nan datang dari Kamang Mambukak sajarah lamo Maso dijajah Si Kompeni Duduaklah niniak di nan tanang Tagak kami bacurito Randai bamulai ano lai
Adegan	:	Selepas sembahyang subuh, Tuanku nan Renceh duduk berzikir dengan khusyuknya lalu kemudian tibalah pemikiran pada dirinya sambil berkata seorang diri “Kalau bak nan ko keadaan nagari, elok den jalang Tuanku Bajangguk Itam di Taluak..”. Bersiap sebentar lalu kemudian berangkat.
Gurindam	:	Bajalan Tuanku Nan Renceh Bajalan manuju ka hilia Bajalan bagageh-gageh Bajalan sambia bazikia	Indah doh lamo antarono Alah tibo garan disinen Iyo di Surau Tuanku Bajangguk Elok didanga curito no
Adegan	:	Tuanku Nan Renceh dengan Tuanku Bajangguk Hitam
Tk. N. Renceh	:	Assalamu’alaikum Warahmatullah..
Tk.B. Jangguk	:	Wa’alaikum Salam Warahmatullah.. Oo, Tuanku Nan Renceh, masuaklah..
Tk. N. Renceh	:	Insya Allah, baiaklah tuanku..
Tk.B. Jangguk	:	Baa kaba Tuanku? Lai siat?
Tk. N. Renceh	:	Alhamdulillah tuanku, tuanku ba a pulo? Lai siat?
Tk.B. Jangguk	:	Alhamdulillah, samo-samo tuanku..
Tk. N. Renceh	:	Mano Tuanku Bajangguk Itam, mangko denai datang kumari, gadang mukasuk jo sangajo. Satantangan dari kito nan ko, rakyatlah banyak nan manyimpang. Manyimpang dari agamo, ba a pikiran dek tuanku?
Tk.B. Jangguk	:	Sapanjang kato tuanku tu, itulah nan sabanano. Lah nyato siang nan bak ari Lah jaleh tarang nan bak bulan Lah samo pandapek kito. Lah banyak tajadi kamungkaran. Nan tak patuk tumbuah alah tumbuah. Lah banyak  nan ganjia nan tacaliak	Kini baitulah dek tuanku, Pailah kito ka Koto Tuo, Manjalang Tuanku nan Tuo. Baliau kan kamadoan rapek jo ulama sa Luhak Agam ko. Ba a pikiran dek tuanku?
Tk. N. Renceh	:	Kalau baitu pandapek tuanku, denai satuju bana. Den lah dapek kaba pulo dari baliau, tambah pulo dek tuanku. Bari kaba Tuanku Pasia, buliah basamo kito pai.
Tk.B. Jangguk	:	Kalau baitu kato tuanku, sanang rasono dalam ati. Sunyi dalam kiro-kiro. Bisuak kito pai..
Tk. N. Renceh	:	Insya Allah.. Baiaklah tuanku, pailah denai dahulu Assalamu’alaikum Warahmatullah..
Tk.B. Jangguk	:	Wa’alaikum Salam Warahmatullah..