Randai Harimau nan Salapan_13

Belanda menyerang Kamang

Gurindam	:	Lah sudah mangguguah tong-tong Baliak ka surau lah anyo lai Kaba baraliah tantang itu Aliah kapado Tuanku Bajangguk, Tuanku Nan Renceh sarato Tuanku nan BasamoElok disimak baritono
Tk.B.Hitam	:	Manolah Tuanku Nan Renceh Kalau iyo Bulando datang Dima ka kito nanti Dima pulo kito batahan Elok kini kito etong ari
T.N.Renceh	:	Kalau bak nantun kato tuanku Itulah kato sabanano Babagi tugas kito lai Kan baitu Tuanku Pasia
Tk.Pasia	:	Sasuai Tuanku Supayo kito ndak balengga dalam kandang Bialah ambo di sabalah Ilia
Tk.N.Renceh	:	Kalau mantun, Bialah ambo disabalah mudiak Ba a manuruk pandapek Tuanku Bajangguk
Tk.B.Itam	:	Sasuai bana Tuanku Nan di tangah ka ambo pai no Marilah kito basamo basiap-siap
Tk.N.Renceh	:	Jadih tuanku, Nak ambo silau dulu parsiapan pasukan kito
Tk.B.Itam	:	Kalau mantun bacarai kito dahulu
Gurindam	:	Bacarailah tuanku nan batigo Pai manyilau pasukan masiang-masiang Dalam pado itu Bulando lah masuak sabalah IliaParang mulai anyo lai Ba a ko lah nan tajadi Elok didanga baritono
Tk.B.Itam	:	Allahu Akbar.. Allahu Akbar.. Allahu Akbar.. Mano kito kasadono Si kapia alah tibo, manguracai di nagari awak Ingek-ingek, sarantak kito maju Allahu Akbar..
		Curito sudah main baranti Lain hari diulang pulo Urang banyak maafkan kami Lapeh kami dari dosoJikok dunsanak tacinto isuak Cari kami ka Nagari Kamang Di Taluak galanggang kami Panutup sakitulah dahulu Talempong mairiang di balakang