Randai Harimau nan Salapan_12

Kamang bersiap menghadapi perang

Gurindam	:	Rapek putuh datuakpun pulang Lorong kapado Bulando Dirancang siasat nan gadang Dikumpuan sardadu kasadonoKabaraliah no lai Aliah kapado Tuanku Bajangguk Indak doh lamo antarono Antah sapakan duo pakan Didapeklah kaba nan sahiah Bahaso Bulando ka manyarangDipanggia Pakiah nan Rancak Duo jo Palito Kayo
Tk.B.Hitam	:	Mano buyuang Pakiah nan Rancak Duo jo Palito Kayo Kasikolah kalian kaduono Denai kabarang dikatokan
Pk.N.Rancak	:	O.. tuanku, jo den di tuanku? Apo nan ka dikarajo an Tarangan malah dek tuanku Nak sanang dalam hati
Tk.B.Hitam	:	O.. buyuang nan baduo Denai lah dapek kaba barito Bahaso Bulando ka manyarang Kini baitulah dek buyuang nan baduoBari taulah urang  dalam nagari Siap an sanjato masiang-masiang Latiahlah urang basilek Kalian bao tong-tong ciek surangItulah nan dari denai..
Palito Kayo	:	Kalau baitu kicek tuanku Basiap kami tantang itu
Gurindam	:	Bajalan Pakiah nan Rancak Duo jo Palito Kayo Diguguah tong-tong malam-malam nantun Elok di danga curito no
Pk.N.Rancak	:	O.. urang kampuang Kalau babunyi tabuah di taluak Mambaleh tabuah nan banyak Paralu kito kalua kasadono Itulah tando Bulando masuak Baolah sanjato pambela diri Baka kito dalam jihad nanti O.. urang kampuang Sangakan baritono Salasai manggu-guah tong-tong Urangpun baliak ka surau